പെണ്ണേ..
നീയില്ലാത്ത ജീവിതം ഉപ്പില്ലാത്ത കഞ്ഞി പോലെയാണെന്ന് പത്ത് സിയില് പഠിക്കുമ്പോള് പല ഓട്ടോഗ്രാഫുകളിലും ഞാന് കണ്ടിട്ടുണ്ട്..... നീയും കണ്ടിട്ടുണ്ടാകും... ഏതോ പുരാണ കവി മൊഴിഞ്ഞ ആ വാക്യത്തെ നമിച്ചു കൊണ്ടു പറയട്ടെ, നിന്നെ കാണാതിരുന്ന കഴിഞ്ഞ ഒരു മാസമായി എന്റെ ജീവിതം ഏതാണ്ട് അതു പോലെ ആയിക്കഴിഞ്ഞു... ശരിക്കും ഉപ്പില്ലാത്ത കഞ്ഞി പോലെത്തന്നെ.. എനിക്ക് അകത്തോട്ട് ഇറക്കാനേ കഴിയുന്നില്ല മോളേ..
അപ്പോ നീ ചോദിക്കും തുടര്ച്ചയായി ഒരു വര്ഷം ഒരേ ക്ലാസില് പഠിച്ചപ്പോഴൊന്നും നീ ഇതു പറഞ്ഞിട്ടില്ലല്ലോയെന്ന്... ശരിയാണ്... നമ്മള് അടുത്തിടപഴകിയ ആ മുന്നൂറ്റിയറുപത്തഞ്ചു ദിനരാത്രങ്ങളാകുന്ന പൂന്തോട്ടത്തില് അലഞ്ഞു തിരിയുമ്പോള് ഞാനറിഞ്ഞിരുന്നില്ലെന്റെ പൊന്നേ.... ഇത് ഇങ്ങനെയാണെന്ന്.... നിനക്കറിയാമല്ലോ നമ്മള് തമ്മില് അങ്ങിനെയൊരു ബന്ധമൊന്നും ഉണ്ടായിരുന്നില്ലെന്ന്.... തികച്ചും സ്വാഭാവികമായ ഒരു സൗഹൃദം മാത്രം... എന്നാല് നീ ഇല്ലാതെയായ കുറച്ചു ദിവസങ്ങള് എന്നോടു പറയുന്നു.. നീ കൂടി ഉണ്ടായിരുന്നെങ്കിലെന്ന്...അത്ര മാത്രം..
അല്ലാതെ നീയില്ലെങ്കില് ഞാനില്ല എന്നല്ല... നീയില്ലെങ്കിലും ഞാനുണ്ട്.. ഞാനില്ലെങ്കിലും നീയുണ്ട്... പക്ഷേ... നീ കൂടിയുണ്ടെങ്കില് സ്വതവേ സുന്ദരമായ എന്റെ ജീവിതം കൂടുതല് സുന്ദരമായേനെ.. അതെനിക്കുറപ്പാണ്..
എന്റെ കഞ്ഞിയില് ഉപ്പിട്ടു തരാന് നീ ദിനവും കൂടെയുണ്ടായിരുന്നെങ്കില് എന്നൊരു ആഗ്രഹം മാത്രം.... എന്തു പറയുന്നു... ഇതുപോലെയൊക്കെ നിനക്കും തോന്നുന്നെങ്കില് എന്നെ വിളിക്കാന് മറക്കണ്ട... എന്റെ നമ്പര് കയ്യിലുണ്ടല്ലോ????
നീ പ്രേമിച്ചില്ലെങ്കില് ഞാന് ചത്തു കളയുമെന്നൊന്നും പറയുന്നില്ല.... ചിലപ്പോള് ഒരു രണ്ടു മാസം കൂടി കഴിഞ്ഞാല് നിന്നെ ഞാന് മറന്നും പോയേക്കാം.... ഔട്ട് ഓഫ് സൈറ്റ്, ഔട്ട് ഓഫ് മൈന്റ് അഥവാ കണ്ണകന്നാല് ഖല്ബകന്നു എന്നാണല്ലോ...
ഞാന് ന്യായം പറയുകയല്ല.... ആ.. എന്റെയൊരു ആഗ്രഹം.. നീ കൂടെയുണ്ടെങ്കില് യാഥാര്ഥ്യമാകാന് പോകുന്ന എന്റെ ജീവിതത്തിലെ മനോഹര നിമിഷങ്ങളെ മുന് കൂട്ടിക്കണ്ട ഒരുവന്റെ തികച്ചും പ്രായോഗികമായ ഒരു അഭ്യര്ഥന മാത്രം.. അത്ര മാത്രം...
വരൂ...
നിന്നെ ഞാന് ക്ഷണിക്കുന്നു....
ഒന്നിച്ചു ചേരുന്നതിന്റെ ആനന്ദവും...
നഷ്ടബോധമില്ലാത്ത പങ്കുവയ്ക്കലുകളുടെ ഘോഷയാത്രകളും...
സ്വര്ഗീയമെന്നു മാത്രം പറഞ്ഞുകേട്ടിട്ടുള്ള ആ പ്രണയത്തിന്റെ മധുരവും.....
നമുക്കീ ഭൂമിയില് കൊണ്ടുവരാം...
ഇവിടെ യാഥാര്ഥ്യമാക്കാം...
കൈ... കോര്ത്തു പിടിച്ചു കൊള്ളൂ...
നാളെ ആരെന്നും.. എന്തെന്നും... ആര്ക്കറിയാം...
എന്ന്...
ചെക്കന്..
2 comments:
കത്തുകള് പോരട്ടെ.. എന്നിട്ട് അഭിപ്രായം പറയാം...
entamoo enthoru copiyadi
Post a Comment